[Jambi, Kerinci].
Tatkala Kerinci belum banamo
Melestarikan Adat Lamo Pusako Usang Bangkitkan Batang Terandam Ada tradisi Seremonial “Mandi Balimau” Kenduri Sko Tanah Mendapo Semurup. Rabu, 10/11/2021.
Seiring balam dengan merbah balam lalu merbah mandi seiring salam dengan sembah sembah lalu salam kembali. Ba ktik ayam dipagu timdak dimuko tanggo ayam bakukuk agi ragu apolagi sayo serayo melarehkan mengernahkanyo.
Yang kito lestarikan adat budaya kito
Tatkalo maso agi dulu, Kurinci tu lum banamo Kurinci, agi banamo Alam Kunci, Sulak itu belum banamo Sulak, agi banamo padang jambu alo (ala panjang dan ala pandak);
Kemantan itu belum banamo kemantan, agi banamo Pasir Tarentang urang batalang Manio, Rawang itu belum banamo Rawang, agi banamo Padang Serai Munanti, Riang itu belum banamo Riang agi banamo Bukit Kajang Selapak urang bakuto Kuto Jalatang, Sungai Penuh itu belum banamo Sungai Penuh agi banamo Padong Imbo Lulong, urang bapondokkan Pundok Tinggi orang bakuto Koto Pandan, mandangkan Kuto Limau Manih.
Semurup itu belum banamo Semurup, agi banamo antau limau purut urang ba Koto Payung Semurup Tinggi. Mako adonyo Ninek Ajo banamo Sangadu Dubalang Mako Ninek Ajo bardiri urang Koto Payung Semurup Tinggi.
Ninek Ajo berdiri banamo Sungadu Dubalang dengan saudaronyo yang perempuan yang 3 urang (1). Ninek Besi (2). Ninek Suri dan (3) Ninek Baik. Alam semurup Mako adanyo mengingat kato adat mengato Alam barajo/dikuasai rajo, Luhah bapanghulu /dipegang depati), kampung batuo, rumah bataganai.
Ninek Ajo banamo Sangadu Dubalang Rajo Simpan Bumi 3 anak :
1) Ajo Tingkih
2) Ajo Masiah
3) Ninek Pelatik
1) Karjen ninek Ajo Rumah Pesusun ado Sigumi batujuh Suku Mangku Rajo kalbunyo 1) Sigumi Tuo 2) Sigumi Qudrat 3) Sigumi Tanah Jambi 4) Sigumi Karang Setio, 5) Sigumi Tanah Mendapo 6) Sigumi Tanah Napuro 7) Sigumi Merajo Bungsu. “Orang melukis dibangkahulu tarikkan benang jadikan pakaian terlukis sejak dulu tinggan mengikut kito kemudian”.
Sigumi batujuhlah berada di Rumah Pesusun Tigo Luhah Yaitu Rumah Celak Rumah Piagam Tigo Luhah Semurup Karjen Ninek Ajo. Pegangan kaduduk Sigumi yang tujuh dalapan mangku rajo tuo didalam rumah nan tigo ruang didalam karjen di Rumah Pesusun. Sigumi ba tujuh delapan Mangku Rajo Tuo duduk samo rendah tegak samo tinggi titah kerjonyo berlainan.
1. Sigumi setio-setio memagangkan rumah nan sati penganjung nan kuramat dengan duduk barasilo menghadap asap membumbung kamanyan nan babaun manulak bala dari hilir dengan mudik kudarat dengan di lembak yang tercurek dari langit tabangkah dari bumi.
2. Mangku Rajo Tuo memagangkan cerpu dengan sati bunyi nan kuramat suaro dingan nyaring mamanggin mendah dingan jauh mengimbau yang dekat tagak sapanjang jalan mengingat anak buah anak punakan didalom luhah nan batigo; Menjalankan Perintah Dari Rajo.
3. Sigumi Kudrat memegangkan titah rajo manghatkan kato sigumi nan Tujuh delapan Mangku Rajo Tuo. Mako jatuhlah Titah Rajo kepado Sigumi Kudhat memegangkan keris satu Ulu yang baracipang Tigo tando Tigo Luhah . tatkali duduk panghulu Nan batigo didalam tigo luhah Rumah Rajo barulah sigumi kudrat mendampingi basamo dingan panghulu nan batigo mambao titah dingan sati.
4. Sigumi Tanah Jambi memegangkan kato dengan sati Gawe dengan karamat. Dialah sepatah membuat undang dingan titah sigumi nan tujuh delapan mangku rajo tuo mano yang dulu tetap dulu mano yang kadian tetap kadian; setelah undi lah saluku kato lah mufakat barulah undang ini dihatkan oleh sigumi kudrat.
5. Sigumi Tanah Mandapo memegangkan syarak dengan terang llek dingan nyato yang membunuh kaki empat di Pasugu rajo sapatah idak bulih di ulang namun lek tetap dilangsung.
6. Sigumi Tanah Napuro memegangkan Lek dingan ramai barakato dengan jleh menjalan titah dingan sati lek dingan tari bunyi gung dingan kuramat menyampaikan titah dari rajo kepada anak buah anak kemanakan di luhah nan batigo.
7. Sigumi Tuo manuokan Gawe digan karajetnyo manghitung limau dengan menghatnyo.
8. Sigumi Tanah Bunsu memegangkan dubalang Rajo mendampingi rajo sedang duduk memegang pedang telanjang, di umah pasusun 3 luhah.
Lalu proses acara kenduri sko di lanjutkan di Lembaga Adat 4 jenis dalam negeri Balai Adat yang menganjung. 2 Ajo Masiah ado anak yaitu Ninek Ngkasah (Depati Sigumi Tuo), Ninek Muncak (Depati Sigumi Rajo), Ninek Sibna ( Depati Cayo Mangkuto,) Ninek Ilang Dilaut banamo Indra Andum Laksana Gelar Depati Rajo Simpan Bumi. Suku Rio Mudo.
Mako Semurup adonyo Luhah Nan Tigo
(1). Luhah Depati Rajo Simpan Bumi Banamo (Luhah Anak Jantan) pangket Memegang Syara’ seluko “Mesjid yang Memuncak”
(2) Luhah Depati Kepalo Sembah (Luhah Anak Batino) Memegangkan adat, seluko“Balai Adat Yang Menganjung”.
1.Ninek Suri 2. Ninek Besi 3. Ninek Baik dan para turunannya yang lain
(3) Luhah Depati Mudo (Memegang undang-undang uteh bateh) seluko ”Lapangan Yang Menghijau”
Depati Semurup Limo Beradik
1. Depati Semurup Tuo
2. Depati Semurup Tanah Pilih
3. Depati Semurup Putih
4. Depati Semurup Anggonalo
5. Depati Semurup Au Malilo.
Semurup kotak yang enam ditunggu Depati Batigo Urang Pamangku Yang Baduo Ninik Mamak Paramenti Yang Selapan.
Mano dikato kotak yang enam?
Paratamo di Koto Datuk, kaduo, di Koto Mudik, katigo, Koto Tengah, , kaempat di Koto Cayo, kalimo di Koto Dair, ka enam di Koto Duar.
Mano Depati Batigo Urang?
Paratamo Depati Mudo, Kaduo Depati Kupalo Sembah, Katigo Depati Rajo Simpan Bumi.
Mano pamangku yang baduo?
Paratamo Pamangku Rajo Tuo,
Kaduo Pamangku Kepalo Rajo dinge balik ke Muara Semerah.
Mano dikato ninik mamak paramenti yang selapan?
Paratamo, Ijung Pati Jadi Tuo,
Kaduo Ijung Tuo,
Katigo Ijung Panjang,
kaempat, Ijung Mamat,
kalimo, Ijung Malano,
kaenam, Ijung Kecik,
katujuh, Ijung Pajinak,
kalapan, Ijung Karti.
Satu, Depati Rajo Simpan Bumi,
Apu ka gedong dio dio megangkan lantak idak guyah megang, kait yang idak sekah, megangkan tali idak putuh, apu pangket uma gedang dio disitu tataruh kungkung padi yang gedang, disitu tataruh tanduk kerbau yang sabuah disitu tataruh cermin yang amat terang disitu tataruh terapong yang amat teruh, menerupong anak buah anak kemenakan.
Kaduo, Depati Kepalo Sembah apo ka gedang Dio disitu tataruh kapokat yang gedang disitu tataruh ambung yang liba, apo pangket umah gedang dio namonyo rek warnanyo intan gum Gumalo Bumi Rajo.
Katigo, Depati Mudo apu kagedong dio?
Megang kerat kudungbgabung tanah pancung sulor rendam sati, pancang areh random kudalam tebu panjang kuladi bisi, apolah pangket umah gedang dio disitu tataruh pisau kulam yang sabilah, disitu tataruh tembo utan tembo tanah, disitu tataruh iku kain kepalo kain(karamentang) artinya lapangan ngan menghijau memegang undang2 uteh bateh semurup.
Depati Mudo duo dukung empat anak, mano dikato dukung yang duo?
Paratamo: Sutan Depati Tuo
Kaduo: sutan Depati Kepalo Rajo
Mano dikato anak yang empat?
Paratamo: Datuk Kayu Hitam
Kaduo: Datuk Dewo Nyato
Katigo: Datuk Mentin Ilang Dilaman
Kaempat: Datuk Panghulu dinge balik ke Sulak Mukai Ilir.
Mako sejak pernikahan Syeh Mahkoto Sati di Gunung Talang Malindung dingen Puti Salih Manjuto Urang Koto Payung Semurup Tinggi, mako sejak itu pulolah namo Puti Datu Sati isteri pertamo Syekh mahkuto Sati berubah menjadi Puti Ibo Hati karena junjungan hidup lah mempersuting puti lain mako bersedihlah meratap lah ninik ibo hati.
Mako berdiri susunan tahta kerajaan luah kampung batuo keturunan Syeh mahkuto Sati di rumah celak piagam Ijung Pajinak nan Sati dengan bunyi sumpah “Setikam baknyo keris sepancung baknyo pedang, kalau ka ateh samo bapucuk kebawah samu sabatang dalam sati kito basamo mano yang tuo kito tuokan mano yang mudo kito mudokan di dalam duduk kito busamo di dalam adat yang taliti kato dalam mufakat, lah muleh air di pamuluh lah getu kato di mufakat.
Betul kato adat sah kato sarak itulah ico pakai kito setelah buat dingen janji dengan sumpah wateh dingen bateh antaro Koto Payung Semurup Tinggi dingen Urang Talang Melindung “ Ili Bukit Kpak Aie Sekungkung Mati, Kalu Mudik Bukit Rambai, Kudarat Bukit Hijau, Kelembak Pusat Laut.#dari berbagai sumber.(frl.)